Vlora ishe qyteti që vuajti më së shumti pasojat e përmbytjeve nga rrebeshet e ditëve të fundit.

Në pamjet e siguruara nga BalkanWeb, shihet se si ujërat e rrëmbyeshëm marrin përpara një automjet.

Shirat e rrëmbyeshëm shkaktuan dëme të shumta në Vlorë, ku shumë qytetarë ankohen se shtëpitë e tyre janë mbushur nga uji apo balta.

Kryetari i Bashkisë së Vlorës Ermal Dredha deklaroi se gjatë 24 orëve pas përmbytjeve, të gjitha strukturat e Bashkisë së Vlorës kanë punuar me përkushtim për t’u përballur me pasojat e reshjeve të dendura, duke përfshirë ekipet e pastrimit, shërbimet emergjente, si dhe mbështetjen nga Ministria e Mbrojtjes.

(BalkanWeb)