TIRANE- Kryeministri Edi Rama për çdo të shtunë siç duket ndjek të njëjtin ritual. I veshur me tuta sportive dhe atlete, Rama ka zgjedhur që edhe këtë ditë fundjave të vijojë programin e tij, pavarësisht se poshtë zyrës së tij vazhdon protesta e PD-së.

Pas një dreke tek një restorant i njohur në afërsi të seli së qeverisë, sot në orën 15.30, kryeministri Edi Rama, ka preferuar të ecë në këmbë, i ndjekur nga katër truproja.

Kryeministri teksa përshkonte në këmbë rrugën drejt godinës së Kryeministrisë, është ndalur për disa minuta për të takuar Forcat e Ndërhyrjes së Shpejtë (FNSH), shkruan Tema.tv. Ata vazhdojnë shërbimin me turne që nga dita kur ka filluar protesta.

(ed.me/BalkanWeb)