Ashtu siç ishte parashikuar nga meteorologët, pasditja e sotme ka sjellë rrebeshe shiu në disa zona të vendit. Stuhitë dhe rrebeshet e shiut kanë “pushtuar” pak më parë qytetin e Elbasanit, duke përmbytur gjithë vendin.
“BalkanWeb” sjell video nga situata në Elbasan, ku shihet se të gjitha rrugët janë përmbytur nga shiu i dendur. Reshjet e shiut janë shumë të dendura, ndaj dhe kanë mjaftuar pak minuta që qyteti të vihet nën “pushtetin” e ujit.
Videoja tregon qartë se qarkullimi i mjeteve është shumë i vështirë, për shkak se uji në rrugë është në masë të madhe.
(d.ç./BalkanWeb)