Të martën në mbrëmje Paris SG zhvilloi ndeshjen e kthimit përballë Real Madrid në “Champions League”, por përveçse skuadrave në disa momente vëmendjen e morën dyluftimet mes lojtarëve.
Padiskutim që më i zjarrti ishte ai mes Ronaldos dhe Dani Alveshit, një ‘armiqësi’ e trashëguar që nga koha kur braziliani luante me Barcelonën.
Vetëm pak minuta pas nisjes së sfidës nisi edhe ‘kacafytja’ e parë. Një pozicion jashtë loje irritoi Ronaldo-n që nervat desh t’i nxirrte te Alves duke tentuar ta godiste me shqelm, por portugezi doli huq. Ky veprim u pa nga arbitri por Ronaldo shpëtoi vetëm me një këshillim.
Shtyrjet, goditjet, përplasjet, ngacmimet vijuan përgjatë gjithë lojës, por në pjesën e dytë, mbrojtësi i francezëve duke mësuar për atë që ndodhi në minutat e para vendosi të bënte hakmarrjen.
Gjatë një goditje këndi Alves po markonte Ronaldon. Braziliani duke parë që sulmuesi i ‘galktikëve’ ishte më i fokusuar te topi sesa te ai, fillimisht pastroi hundët me duar dhe më pas i fshiu ato te bluzja e portugezit.
(e.k/BalkanWeb)
