Një rast tepër i dyshimtë për rrëmbim të një vajze të vogël ka ndodhur në zonën e Rrugës së Barrikadave në një market.

Gazetari Igli Celmeta raporton për BalkanWeb se zonja ka biseduar me vajzën e vogël që duket në video dhe ka dalë jashtë me të. Më pas ka shkuar nëna e vajzës jashtë dhe bashkë me gruan, që duket në video kanë hyrë sërish në market. Gruaja nuk është identifikuar ende dhe po punohet nga policia për ta identifikuar dhe marrë në pyetje.

Policia ende nuk është e bindur nëse kemi të bëjmë me një tentativë rrëmbimi, ndërsa prindërit kanë bërë një denoncim për një gjë të tillë, por mbetet të merret gruaja në pyetje.

Në pyetje është marrë kasieri i marketit, që ka qenë aty ngjitur, i cili ka thënë se zonja dukej sikur kishte probleme mendore. Denoncimin e ka bërë babai i vajzës së mitur.

(Balkanweb)