DEVOLL
Teksa kryeministri Edi Rama vijon turin e takimeve në juglindje të vendit në kuadër të zgjedhjeve të 30 qershorit, qytetarët dhe simpatizantë të opozitës janë grumbulluar në aksin Korçë-Bilisht, ku do të synojnë bllokimin e eskortës që e shoqëron.
Në mbështetje të qytetarëve janë edhe tre ish-deputetët e opozitës, Ervin Salianji, Klevis Balliu nga radhët e PD dhe Endrit Braimllari nga Lëvizja Socialiste për Integrim. Gazetarja e “BalkanWeb” Lorena Kodra raporton se forca të shumta policie ndodhen në aksin Korçë-Bilisht i cili po mbahet e bllokuar nga mbështetësit e opozitës.
Së bashku me Policinë e Korçës dhe FNSH është edhe zv.drejtori i Policisë së Shtetit, Gjovalin Loka, i cili është përplasur ashpër me ish-deputetin Salianji, ndërsa nuk munguan as akuzat ndaj njëri tjetrit.
Pjesë nga debati:
Salianji-Lokës: Je i tredhur nga krimi dhe nga Bajrajt mos bëj të fortin me qytetarët.Të ishte personalisht të heq pantallonat nga koka, respekto ligjin dhe mu drejto me respekt. Je servil i pushtetit, nga shërbëtor i Bajrajve përfundove në rrugë si shërbëtor i Ramës
Loka-Salianjit: Je marrë me të gjithë por mua me njeh ndryshe.