HOLANDË
Një djalë i ri nga Shqipëria, 20 vjeç u kap gjatë autostradës A16 të martën pasdite. Agjentët holandezë sekuestruan 160 mijë euro në automjetin që drejtohej nga shqiptari, e menjëherë dyshuan se ata janë para të ardhura nga ndonjë aktivitet i dyshimtë.
Shqiptari po ecte në anën jugore të autostradës në Romterdam, ndërsa bënte lëvizje të çuditshme. Duke marrë shkas nga kjo gjë, agjentët vendosën që ta ndjekin të riun. Shoferi 20-vjeçar i Audit u ndal në Roterdam-IJsselmonde. Policia pa se shqiptari braktisi makinën dhe po kryente veprime aspak normale.
Agenten doorzochten dinsdagmiddag langs de A16 de auto van een 20-jarige man uit Albanië. Ze vonden in een verborgen ruimte in de middenconsole 160.000 euro aan contant geld en hielden de Albaniër aan op verdenking van witwassen. https://t.co/dizQgoQ39O pic.twitter.com/gvRJ5XdNAA
— Politie Rotterdam eo (@Politie_Rdam) October 30, 2019
Policisë i rezultoi se diçka realisht nuk shkonte siç duhet. Teksa shqiptari ndaloi Audin në një anë rruge, agjentët e kontrolluan mjetin dhe arritën të gjejnë në të sasinë prej 160 mijë eurosh, në një vend të fshehur. Menjëherë, shoferi u arrestua për pastrim parash, pasi ai nuk mundi të shpjegojë se ku i kishte marrë të hollat. Paratë dhe Audi u sekuestruan.
(d.xh/Balkanweb)
