TIRANË
Ashtu siç kishin paralajmëruar, në këto momente studentët po marshojnë drejt godinës së ministrisë së Arsimit, Rinisë dhe Sporteve duke lëshuar thirrjet “E duam Shqipërinë si e gjithë Europa”.
Ata janë nisur të organizuar nga qendra në drejtim të ministrisë, ndërsa nuk kanë kursyer as hedhjen e tymueseve. Me pankarta në duar, studentët pohuan se propaganda e qeverisë ka dështuar, ndërsa kanë publikuar edhe kërkesat e tyre zyrtare.
Kërkesat kryesore të studentëve:
Rrëzim të Ligjit të Arsimit të Lartë; Arsim cilësor në të dyja ciklet e studimit; Rankimin e programeve sipas modeleve bashkëkohore; Rritje e peshës së përfaqësimit në institucionet e arsimit të lartë; Autonomi reale e IAL dhe jo e diktuar nga bordet qeveritare.
(n.m/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
