Një aksident ka ndodhur pasditen e së mërkurës në aksin Petovë- Libofshë, ndërsa një person raportohet të ketë mbetur i plagosur rëndë.
BalkanWeb ka mësuar se një automjet tip “Toyota” është përplasur me një motor. Si pasojë, drejtuesi i motomjetit ka pësuar dëmtime të rënda.
I plagosuri është transportuar drejt spitalin rajonal në Fier, por për shkak të gjendjes së rëndë ky spital ka vendosur transportimin e të plagosurit drejt Traumës në Tiranë.
Fier/ Informacion paraprak
Rreth orës 17:00, në fshatin Petovë, Fier, shtetasi M. P., 43 vjeç, duke drejtuar automjetin, është përfshirë në një aksident me një motomjet me drejtues shtetasin Z. Xh, rreth 64 vjeç.
Si pasojë e aksidentit është dëmtuar drejtuesi i motomjetit, shtetasi Z. Xh., i cili është transportuar në spital për ndihmë mjeksore.
Drejtuesi i automjetit, shtetasi M. P., u shoqërua në Komisariat për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
(BalkanWeb)
