Në pamjet direkte gjatë ndeshjes mes Bayern Munich dhe Tottenhem, dëmtimi i Kingsley Koman u duk me të vërtetë shumë i rëndë. Në mesin e pjesës së parë, futbollisti francez vendosi keq këmbën në fushë dhe dukshëm mes dhimbjeve u zëvendësua.

Por pas testeve mjekësore të specializuara, bavarezët marrin një lajm të mirë, pasi lëndimi i mesfushorit është më i lehtë nga sa ishte parashikuar. Coman ka dëmtuar kupën e gjurit, por nuk ka thyerje. Gjithsesi, francezi do të qëndrojë jashtë fushës nga katër deri në gjashtë javë për t’u rikuperuar plotësisht. Kjo do të thotë se ai do të jetë gati për Bayern Munich vetëm pas pauzës dimërore të sezonit.
(balkanweb)