Dalin pamjet e para pas ngjarjes që alarmoi Shkodrën mbrëmjen e kësaj të enjte, 2 janar 2025.
Drejt një automjeti të parkuar në anë të rrugës në lagjen “Rus” u qëllua, sipas të dhënave paraprake, 4 herë me armë zjarri pistoletë.
Në pamje duket makina e qëlluar tip “Peugeot” të cilës i është thyer xhami i parë nga të shtënat. Gjurmët e plumbave janë edhe në trupin e makinës.
Pronari i automjetit, Elvis Hoxha, ndodhet në burg për veprën penale “dhunë në familje”. Mësohet se makina ndodhet e parkuar në atë vend që nga momenti kur Hoxha është arrestuar.
Nga ngjarja nuk raportohet për të lënduar, ndërsa të shtënat kanë shkaktuar panik te qytetarët.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
