Të paktën shtatë bonsaj jashtëzakonisht të vlefshme u vodhën në një dyqan pranë Tokios, në Japoni dhe pronarët Seiji Iimura dhe gruaja e tij Fuyumi kanë një apel prekës për hajdutët.
“Ata janë si fëmijë 400-vjeçarë dhe do të vdesin për një javë nëse nuk i trajtoni siç duhet. Nuk ka fjalë për të përshkruar se si ndihemi “, shkruan Seuiji.
Një ekzemplar i Shimpaku Juniper, ndër më të kërkuarit nga adhuruesit, vlen të paktën mbi 90 mijë dollarë.
54 vjeçari dhe gruaja e tij janë pjesë e një familje dedikuar kujdesit të bonsait për breza dhe zotërojnë të paktën 3 mijë bimë në kopësht. Përveç vlerës së konsiderueshme ekonomike, bimët janë edhe pranë zemrës së Iimura dhe gruas së tij në vlerë emocionale.
“Ne i rritëm ata si fëmijë, ju kërkojmë t’i ktheni “, shprehet ai.
Autoritetet dyshojnë se personi përgjegjës për vjedhjen është një hajdut serial i specializuar në bonsai. Në nëntor, në fakt, tetë lloj të tjera të specieve Shinpaku ishin zhdukur nga një tjetër dyqan të Tokios.
(BalkanWeb)
