Sipas të dhënave nga AFAD, 144 lëkundje u regjistruan pas tërmetit të pasdites së djeshme me magnitudë 5,8 ballë, me epiqendër në ujërat e Detit Marmara


Një numër i madh i lëkundjeve të pasme u regjistruan pas tërmetit me magnitudë 5,8 ballë që dje tronditi Stambollin, transmeton Anadolu Agency (AA).


Sipas të dhënave nga Drejtoria për Menaxhimin e Katastrofave dhe Emergjencave (AFAD), 144 lëkundje, më e forta me magnitudë 4,1 ballë, u regjistruan pas tërmetit të pasdites së djeshme me epiqendër në ujërat e Detit Marmara, pranë rrethit Silivri të Stambollit.


Tërmeti i djeshëm shkaktoi edhe rrënimin e një minareje në lagjen Avcılar, ndërsa ekipet intervenuese kanë pastruar rrënojat e saj.

Xhamia, në të cilën ekipet e sigurisë kanë vendosur kordon sigurie, është mbyllur përkohësisht për besimtarët.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: