Atletico Madrid po mbyll vitin në mënyrën më të mirë të mundshme, pasi është në vendin e parë në kampionat. Presidenti i Los Colchoneros, Enrique Cerezo tregoi këndvështrimin e tij për 2024-shin.

“Po të shohim 15 vitet e fundit, ky është momenti më i mirë në historinë tonë. Kemi fituar kampionate, kemi arritur finale të Ligës së Kampionëve dhe jemi rritur në aspektin social. Sot jemi më të mëdhenj në çdo aspekt”,

Diego Simeone: “Nuk kam dyshuar kurrë për të, sepse sezonet janë shumë të gjata dhe rëniet e skuadrës mund të ndodhin në çdo moment. Na ndodhi edhe ne në fillim të sezonit, por u rikuperuam. Jemi aty ku jemi falë trajnerit tonë dhe lojtarëve tanë. Kemi besim të plotë te Simeone”.

Antoine Griezmann: “Nuk e di se cili do të jetë sezoni i fundit i Griezmann, as i imi… Ajo që mund të them është se Antoine Griezmann është një lojtar shumë i rëndësishëm në skuadrën e Atlético Madridit.

Ai nuk është vetëm një lojtar shumë i rëndësishëm për Atlético Madridin, por gjithashtu në të gjithë Europën. Për mua është ndër pesë lojtarët më të mirë në Europë. Ai është një kampion i madh dhe e ka klubin tonë në zemër”.

(J.S/BalkaNWeb)