Ka dhuruar një surprizë të bukur pasditja e sotme, teksa një nga emrat historikë të futbollit shqiptar, Vllaznia e Shkodrës, është rikthyer me fitore në kategorinë e më të mirëve. Pas një sezoni të kaluar në kategorinë inferiore, kuqeblutë e drejtuar nga Mirsad Jonuz, kanë mposhtur në “Loro Boriçi”, në prezencën e një numri të konsiderueshëm tifozësh, ekipin e Laçit.


Ka mjaftuar një gol nga braziliani Higor në minutën e 45-të të pjesës së parë, për të çuar peshë tifozët kuqeblu dhe për të thyer Laçin pretendent. Sfida ka qenë mjaft e bukur dhe e luftuar, me mundësi shënimi nga të dyja ekipet. Në minutën e 20-të Lushkja vë në provë Sherrin me një gjuatje nga distanca, ndërsa 3 minuta para golit kuqeblu, ishte Kruja ai që drithëroi Stazhillën, i cili devijoi në këndore.


Pjesa e dytë është edhe më e bukur. Vllaznia kërkon golin e sigurisë, Laçi atë të barazimit. Në minutën e 60-të është i pafat Gilman Lika, kur sheh devijimin e tij të përfundojë pranë shtyllës së dytë të Stazhillës, ndërsa Laçi kërcënon seriozisht me Lushkjen në minutën e 82-të, por Sherri ndal gjuajtjen e sulmuesit, duke devijuar në këndore. Janë minuta të mira për Laçin, që provon me të gjitha mënyrat për të barazuar, por fortesa kuqeblu nuk ka ndërmend të dorëzohet dhe nuk lëshon as ndaj kërcënimeve të Domgjonit e Nuabaezes.


Do të përfundojë 1-0 për Vllazninë, një fitore e bukur për kuqeblutë dhe Shkodrën, që rikhehet të shpresojë një për sezon të mirë pas vitit të kaluar në Kategorinë e Parë, ndërsa është detyrë e bashkisë që t’u japë fund vuajtjeve të tifozëve kuqeblu.

(Balkanweb)