Ukraina duhet të bëjë gjithçka që mundet për të siguruar që lufta me Rusinë të përfundojë vitin e ardhshëm përmes diplomacisë, tha presidenti ukrainas Volodymyr Zelensky në një intervistë radiofonike të transmetuar sot. Zelensky gjithashtu pranoi se situata në frontin në Ukrainën lindore është e vështirë dhe se forcat ruse po bëjnë përparim. Ai gjithashtu vlerësoi se presidenti rus Vladimir Putin nuk është i interesuar për arritjen e një marrëveshjeje paqeje.
Në të njëjtën kohë, presidenti ukrainas shpjegoi se ligji amerikan parashikon që ai nuk mund të takohet me presidentin e sapozgjedhur të SHBA-së Donald Trump para se të betohet në janar, duke theksuar se ai preferon të flasë drejtpërdrejt me vetë republikanin dhe jo përmes një të dërguari ose këshilltari.
“Unë, presidenti i Ukrainës, do ta marr seriozisht vetëm një bisedë me presidentin e SHBA-së, me gjithë respektin për çdo mjedis, për çdo person”, nënvizoi ai.
“Nga ana jonë, ne duhet të bëjmë gjithçka që kjo luftë të përfundojë vitin e ardhshëm, të përfundojë përmes kanaleve diplomatike”, shpjegoi Zelensky.
