Ashtu si në edicionet e mëparshme, gazetari i njohur Besnik Dizdari ka qenë ai që ka votuar për Shqipërinë për çmimin e “Topit të Artë” dhe trofetë tjerë që u dorëzuan sot.

Ndryshe nga edicionet e mëparshme gazetarët e përzgjedhur duhej të votonin 10 futbollistët më të mirë nga lista me 30 emra duke u dhënë përkatësish 15, 12, 10, 8, 7, 5, 4, 3, 2 dhe 1 pikë emrave të përzgjedhur.

“Panorama Sport” ka mësuar se Besnik Dizdari ka votuar sipas radhës emrat e mëposhtëm:

  1. RODRI
  2. JAMAL
  3. KARVAHAL
  4. BELLINGAM
  5. RUDIGER
  6. HALAND
  7. LAUTARO MARTINEZ
  8. VINICIUS
  9. MBAPE
  10. XHAKA

Sa i përket trofeut “Jashin” për portierin më të mirë, votat e tij kanë qenë për Unai SImon në vendin e parë, Lunin në të dytin dhe Emiliano Martinez në të tretin.

Për trajnerin më të mirë të vitit 2024, vota ka shkuar për Luis De La Fuente me Ançelotin në vendin e dytë, Kurse për klubin më të mirë të vitit, Dizdari ka përzgjedhur Real Madridin.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb