Ish-infermierja britanike, Lucy Letby u shpall fajtore të martën për përpjekjen për të vrarë një foshnjë tjetër të porsalindur, duke i shtuar dënimet e vitit të kaluar që e bëjnë atë vrasësen më të madhe të fëmijëve në Britaninë e kohëve moderne.

Letby, 34 vjeç, u shpall fajtor gushtin e kaluar për vrasjen e shtatë foshnjave dhe përpjekjen për të vrarë gjashtë të tjera, midis qershorit të vitit 2015 dhe qershorit të vitit 2016, ndërsa punonte si infermiere në njësinë neonatale të Spitalit Kontesha në Chester të Anglisë veriore, raporton Reuters.

Ajo është dënuar me burgim të përjetshëm.

Letby mohoi të ketë lënduar ndonjë fëmijë në kujdesin e saj.

Muajin e kaluar, ajo doli në gjyq për herë të dytë për një akuzë të tentativës për vrasje të një vajze tjetër, të njohur si Child K, një akuzë për të cilën juria fillestare nuk kishte arritur të merrte një vendim.

Prokurori Nick Johnson i tha Gjykatës se fëmija K lindi para kohe në 25 javë në shkurt të vitit 2016 në spital, dhe ishte lidhur me një ventilator dhe makineri të tjera që monitoronin rrahjet e saj të zemrës dhe nivelet e oksigjenit.

Pak më shumë se një orë pas lindjes, ndërsa stafi tjetër mungonte, sipas Johnson, doktoresha e lartë Ravi Jayaram hyri në dhomën ku po mbahej foshnja, duke gjetur tubin e frymëmarrjes së foshnjës të shkëputur, alarmet që duhej të kishin rënë ishin jashtë funksionit, dhe Letby po qëndronte aty “duke mos bërë asgjë”.

Johnson shtoi se në dy raste të tjera atë natë, Letby ndërhyri në tubin e frymëmarrjes për të dhënë përshtypjen se kishte një problem të veçantë me foshnjën.

Fëmija K vdiq në një spital tjetër tri ditë më vonë.