TIRANE- Gjykata e Krimeve të Rënda ka rrëzuar kërkesën e të dyshuarit për vrasjen e komisarit Artan Cuku, i cili kërkoi të rifitojë lirinë. Mikel Shallari, i cili ndodhej në “arrest me burg”, paraqiti te Gjykata e Krimeve të Rënda një kërkesë për rivlerësimin e masës së sigurisë.
Ai kërkoi që ndaj tij të vendosej masa “detyrim paraqitje”, por Gjykata e Krimeve të Rënda e hodhi poshtë, duke e lënë në burg.
Avokati i tij tha para trupi gjykues së tashmë ka përfunduar afati tre mujor dhe ka kërkuar të dijë se në çfarë pike është hetimi nga prokuroria.
Ndërkaq, avokati i Mikel Shallarit ka kërkuar që seanca të zhvillohet me dyer të mbyllura, me pretendimin se klientit të tij i rrezikohet jeta.
(BalkanWeb)