Janë vetëdorëzuar në polici tre autorët, e vrasjes së dy kushërinjve në Lac. Ngjarja e rëndë ndodhi mbrëmjen e së dielës, ku pas një shkëmbimi zjarri mes të rinjve mbeten të vrarë dy persona.
Në njoftimin zyrtar të policisë, thuhet se falë negociatave me familjarët është bërë i mundur vetëdorëzimi i Markel dhe Vinsent Bushit, përkatësisht, 25 dhe 28 vjec, kushërinj me njëri tjetërin. Ndërkohë në një njoftim të mëvonshëm, policia tha se falë negociatave me familjarë është vetëdorëzuar edhe 23- vjecari Manuel Bushi.
Ngjarja e rëndë u regjistrua mbrëmjen e së djelës në Laç, ku si pasojë e shkëmbimit me armë zjarri mbetën të vrarë kushërinjte, Kelvin dhe Erjon Jushi.
Njoftimi i plotë;
Në vijim të veprimeve për zbardhjen e ngjarjes së ndodhur në lagjen nr. 1 Laç, Kurbin, ku pas një konflikti për motive të dobëta u plagosën me armë zjarri dy shtetas të cilët më pas gjetën vdekjen në një nga spitalet private në Tiranë ju informojmë se:
Si rezultat i punës hetimore të kryer nga grupi i posaçëm hetimor nën drejtimin e Prokurorisë së Rrethit Gjyqësor Kurbin u bë e mundur identifikimi dhe shpallja në kërkim e autorëve të dyshuar të kësaj ngjarje.
Policia në vijim dhe pa ndërprerë ushtroi kontrolle të shumta dhe përdori metodat speciale të hetimit për të bërë të mundur kapjen e autorëve.
Njëkohësisht Grupi i posaçëm hetimor negocioi me familjarët e autorëve të dyshuar që ata të dorëzoheshin organeve të drejtësisë.
Dy nga autorët e dyshuar, shtetasit M. B., 25 vjeç dhe V. B., 28 vjeç, të dy lindur e banues në Kurbin, pas negociatave me familjarët, janë vetë dorëzuar në Polici.
Grupi i posaçëm hetimor nën drejtimin e Prokurorisë po vijon punën për dokumentin e plotë të kësaj ngjarje.
Materialet iu referuan Prokurorisë pranë Gjykatës së Shkallës së Pare Kurbin, për veprime te mëtejshme hetimore, për veprat penale “Vrasja në rrethana të tjera të cilësuara, në bashkëpunim” dhe “Mbajtja pa leje e armëve dhe municioneve luftarake”, parashikuar nga nenet 79/dh, 25 dhe 278/1 të Kodit Penal.
Në vijim të informacionit është dorëzuar në këto momente në Polici edhe autori i tretë i dyshuar i ngjarjes ku mbetën të vrarë me armë zjarri dy shtetas. U vetëdorëzua M.B 23 vjeç banues në Lac.
