FIER- Ka reaguar vëllai i Aldison Belulajt, i cili ndodhet në gjendje të rëndë për jetën pas aktit tragjik që ndërmori, duke vrarë me armë zjarri vajzën që dashuronte, dhe më pas tentoi të vriste veten.
Në një prononcim për ‘News24’ dhe ‘BalkanWeb’ vëllai i 23-vjeçarit ka mohuar të gjitha akuzat se Aldisoni e kishte kërcënuar Ariela Muratin. Ai pohoi se të rinjtë kanë qenë të lidhur dhe se prindërit kishin shkuar që të kërkonin dorën e saj në shtëpi. Po ashtu vëllai i 23-vjeçarit tha se asnjëherë Aldisoni nuk kishte pohuar se do ta vriste 21-vjeçaren.
“Aldisoni dhe Ariela ishin të lidhur. Prindërit shkuan për t’i kërkuar dorën vajzës. Prindërit vajtën për të sqaruar situatën. Nuk kishte debate mes dy familjeve. S’është e vërtetë që ka kërcënuar se do vrasë Arielën”, tha vëllai i Aldison Belulajt.
(ed.me/BalkanWeb)
