Dy terroristë, duke përfshirë një në paraburgim, u vranë në një shkëmbim zjarri në provincën veriperëndimore të Pakistanit Khyber Pakhtunkhwa, tha Departamenti Kundër Terrorizmit (CTD) në një deklaratë.

Incidenti ndodhi në kryeqytetin e provincës Peshawar, ku policia bastisi një strehë bazuar në informacionin e dhënë nga i arrestuari gjatë procesit të hetimit, thuhet në deklaratë.

“Në bazë të këtij zbulimi, grupi hetimor i KTD-së së bashku me grupin operativ e kanë çuar të akuzuarin në strehën e bashkëpunëtorëve të tij, ku tashmë kanë qenë në gatishmëri dhe kanë nisur të qëllojnë pa kriter në drejtim të policisë”, thuhet në njoftim.

Personeli i CTD-së zuri menjëherë pozicionet dhe iu përgjigj zjarrit në vetëmbrojtje, duke rezultuar në një shkëmbim zjarri që zgjati përafërsisht 25 deri në 30 minuta, në të cilin një terrorist dhe i arrestuari u vranë, tha departamenti.

Terroristët e mbetur u larguan nga vendi i ngjarjes dhe policia gjeti armë dhe municione nga streha.

 (A.A/BalkanWeb)