Një tjetër ushtar amerikan është vrarë gjatë shërbimit në Afganistan. Lajmi i hidhur është konfirmuar sot edhe nga misioni i NATO-s.


Në deklaratë nuk jepen më shumë detaje lidhur me vdekjen e ushtarit, por bëhet e ditur se identiteti i ushtarit do të bëhet publik, vetëm pasi të jetë njoftuar familja e tij.


Ai është viktima e shtatë në radhët e ushtrisë amerikanë gjatë 2019-s në Afganistan. Ushtria amerikane më herët kishte njoftuar se dy pjesëtarë të saj u vranë në Afganistan më 26 qershor.


Shtetet e Bashkuara në shtatorin e kaluar nisën një përpjekje të re, që të sjellin talibanët në tavolinën e bisedimeve, me qëllim që t’i jepet fundit konfliktit afgan afro 18-vjeçar – luftës më të gjatë në histori të SHBA-së.