Presidenti i Serbisë Aleksandër Vuçiç ka nisur vitin e ri 2025 me provokime në adresë të Kosovës, Kroacisë dhe të Bosnjë Herzegovinës.

“Porosia ime qendrave te vendosjes në Zagreb, Sarajevë dhe Prishtinë: Gëzuar Vitin e Ri dhe kot po shpresoni, pushtetin në Serbi nuk do ta ndryshoni”, ka thënë ai në Instagram. Më tej, ai shton se “një bisedë me amerikanët për energjinë, përfshirë Industrinë e Naftës së Serbisë është planifikuar për nesër.”

“Ne do të luftojmë për të ruajtur energjinë dhe stabilitetin tjetër të Serbisë”, tha presidenti serb.

Studentët në Serbi, duke nisur nga fundi i nëntorit kanë shprehur në mënyrë masive pakënaqësi për situatën socio-politike në vend, duke bllokuar fakultetet. Aktualisht janë të bllokuara mbi 40 fakultete – të cilat funksionojnë brenda universiteteve të Beogradit, Novi Sadit, Nishit dhe Kragujevcit.