DURRËS
Lulzim Cuku ka rrëfyer më detajisht në sallën e Gjykatës së Durrësit momentet e vrasjes së bashkëshortes së tij më 1 shkurt në banesën e vet në Xhafzotaj.
Ai shprehet se pasi vunë në gjumë tre fëmijët e tyre në orën 21:00, shkuan në dhomën e gjumit ku dhe debatuan.
Më pas ai mori thikën e bukës dhe e coi bashkëshorten në banjë ku e vrau. Cuku sqaron se e kyçi në banjë pasi mendoi për fëmijët e tij që do e shihnin nënën e tyre të vdekur dhe të mbytur në gjak. Më pas Cuku shprehet se ka marrë makinën dhe ka ikur në Dibër ku ka bërë dhe një aksident pasi përplasi një makinë të rastit. Ai shpreh pendimin në sallën e gjyqit për aktin që kreu.
PJESË NGA FJALA NË SEANCËN GJYQËSORE
Gjyqtari Petraq Curri: I pandehur çfarë ndodhi atë natë?
Lulzim Cuku: Vumë fëmijët në gjumë nga ora nëntë. Ne u zumë në dhomën e gjumit fjalë pas fjale. Pastaj vajta në kuzhinë e mora thikën e bukës. E çova në banjë.
Gjyqtari Petraq Curri: Çfarë ndodhi në banjë? Pse e kycce nga jashtë? A mendove për tre fëmijët?
Lulzim Cuku: Në banjë e qëllova. Më thoshte s’ke punë me shtëpinë. Më thoshte do të të marr shtëpinë. Mendoja për fëmijët.
Gjyqtari Petraq Curri: Çfarë mendove për fëmijët? Pse e le gruan brenda në banjë të kyçur nga jashtë?
Lulzim Cuku: E lashë që të mos e shikonin fëmijët se do trembeshin.
Gjyqtari Petraq Curri: Pse e le gruan të kyccur, ajo skishte mundësi të dilte e të kërkonte ndihmë.
Lulzim Cuku: Jo, jo e kyça vetëm të mos e shihnin fëmijët se trembeshin.
Gjyqtari Petraq Curri: Çfarë bëre më pas?
Lulzim Cuku: Ika lashë fëmijët në gjumë. Mora makinën dhe ika u nisa për në fshat por rrugës kam përplasur makinën dhe kam ikur me makina të rastit në Dibër.
Gjyqtari Petraq Curri: Po kur fëmijët e gjetën nënën e tyre të larë në gjak, e mendove këtë?
Lulzim Cuku: E mendova ta kyçja banjën që të mos e shihnin fëmijët.
Gjyqtari Petraq Curri: Çfarë bëhet me fëmijët tani e mendon këtë?
Lulzim Curri: Unë mora në qafë atë e mora në qafë edhe veten time.
Gjyqtari Petraq Curri: A ke gjë tjetër për të na thënë?
Lulzim Cuku: Jam I mallkuar nga zoti që kam bërë këtë
(BalkanWeb)
