Në një kohë kur sot i gjithë debati është përqendruar tek Gjykata Kushtetuese, ku nga një anë qëndron presidenti dhe në anën tjetër maxhoranca, Ilir Meta ka shprehur edhe njëherë qëndrimin e tij në lidhje me çështjen në fjalë. Kreu i shtetit emëroi si anëtare Marsida Xhaferllari, e cila u betua sot bashkë me dy kolege të tjera, Elsa Toska dhe Fiona Papajorgjin. Ndërkohë Arta Vorpsi, kandidatja e cila ishte e para në listën për vakancën e shpallur nga presidenti, e që sipas vendimit të botuar në Fletoren zyrtare, është shpallur automatikisht anëtare e Gjykatës Kushtetuese, ndërsa zgjodhi të betohet tek një noterë.

Por kush është anëtare e Gjykatës Kushtetuese, Xhaferllari apo Vorpsi? Presidenti Ilir Meta tha në ‘Opinion’ se: “Është ajo që ka dekretin e presidentit (pra zonja Marsida Xhaferllari)”.

I pyetur nga Blendi Fevziu se emri i Arta Vorpsi është botuar në Fletoren zyrtare, kreu i shtetit tha: “Kur po i kërcet për fletoren e Dvoranit. Ka mbaruar kjo histori… Jemi shtet i së drejtës nuk jemi republikë noteriale. Është e kopsitur kjo. Presidentit i merren kompetencat. Unë asistencë mjekësore nuk i ofroj dot. Ai paska shqetësim për çështjen e etikës së presidentit, ndërkohë nuk ka shqetësim që bëhej pjesë e një plani mafioz për ti grabitur në mënyrë mafioze kompetencat presidentit që ia ka dhënë kushtetua”, pohoi ai.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: