Simboli i “Shqiponjës” duket se nuk e pengon për asnjë moment lojtarin e Kombëtares së Zvicrës, Granit Xhakën.
Ai së bashku me bashkëshorten e tij kanë shfrytëzuar një darkë për festën e flamurit për të përshëndetur shqiptarët në ditën Kombëtare të Pavarësisë. Festa e tij me shqiponjë në Kupën e Botës në ndeshjen ndaj Serbisë shkaktoi tensione mes palëve, ndërsa kosovari theksoi më pas se nuk do ta bënte më, raporton “BalkanWeb”.
Media prestigjioze britanike, “The Sun” shkruan se gjesti i përsëritur i Granit Xhakës mund të shkaktojë reagime në opinionin publik.
Sipas saj, gjesti i lojtarit të Arsenalit është një veprim nacionalist, i cili lidhet me shqiponjën dy krenare në flamurin Kombëtar të Shqipërisë.
Mesfushori i Kombëtares së Zvicrës bashkë me bashkëshorten, Leonita kanë shpërndarë foton duke kryqëzuar gishtat në rrjetin social “Instagram”.
(n.m/BalkanWeb)
