Milani dhe Interi do të përplasen nesër në derbin e parë të Madoninës për këtë sezon, teksa kuqezinjtë shpresojnë t’i japin fund thatërisës që zgjat prej shumë sezonesh ndaj rivalëve të qytetit. Trajneri i Milanit, Marko Xhampaolo, deklaron se e njeh mirë lojën e Kontes dhe shpreson nga skuadra e tij që nesër të bëjë një ndeshje të mirë dhe të sigurojë fitoren.


Mund të jetë nesër ndeshja që do të kthehet loja e mirë?
Çdo ndeshje është rëndësishme që ne të tregojmë lojën tonë. Në miqësoret e para treguam performanca të mira, në ndeshjet në kampionat jo edhe aq të mira. Nesër duhet të bëjmë një ndeshje shumë të mirë, pasi jemi përgatitur gjatë gjithë javës.


Si e keni parë Kontin? Do të luani më të nesër, apo do ta nisni me Borinin në krahun e djathtë të mbrojtjes?
Nesër do të luajë Konti, ka një mundësi shumë të rëndësishme. Është një djalë që po stërvitet shumë mirë, ai është rritur shumë në krahasim me disa muaj më parë. E di që duhet të përmirësohet akoma më shumë në mbrojtje dhe po punon shumë për këtë, ku ka pasur edhe përmirësime. Nesër do ta tregojë se në çfarë gjendje është.marko xhampaolo


Sa e rëndësishme është të fitoni nesër?
Ambicia jonë është të luajmë mirë dhe të fitojmë. Gjithmonë kjo ka qenë ambicia ime. Të fitosh ju ndihmon të ecni përpara, për mua ju duhet të fitoni dhe bindni me lojë. Ne punojmë për këtë.

Preferoni më shumë lojtarë nervozë apo të qetë?
Unë preferoj lojtarë të përqendruar dhe të etur për fitore. Nuk më intereson zhurma, veçanërisht në lojëra të caktuara. Ekziston një shpenzim i energjive psiko-fizike të rëndësishme kur ka ndeshje të tilla, por ju keni nevojë për qetësi.

A është sfida e së vërtetës?
Në çdo ndeshje keni diçka për të fituar ose për të humbur. Interi i favorizuar? Nuk e di, është një ndeshje shumë e veçantë.

A e keni parë Interin në Ligën e Kampionëve?
Po e kam parë dhe në krahasim nga ndeshjet e tjera gjeti një ekip që i hapi më shumë telashe. Nuk dua të jem në disavantazh, dua që ekipi të bëjë ndeshjen e duhur. Kemi shumë gjëra për të përmirësuar.marko xhampaolo

A mund të luajë Milani si Slavia?
Ne synojmë të bëjmë më mirë. Ndonjëherë ne mund të mbrohemi duke e mbajtur topin, nuk është e nevojshme të mbrohemi duke qëndruar prapa. Nuk pëlqej një ekip që mbron prapa, ambicia jonë është të bëjmë gjëra të mira.

Çfarë mendoni për Konten?
Unë e njoh mirë atë. Tek Interi ai po praktikon një futboll ndryshe. Ne nuk jemi përballur kurrë me njëri-tjetrin, por unë i di idetë e tij të futbollit.

Blerjet e reja, deri në çfarë pikë janë lojtarët e afruar?
Për mua është vetëm Milani, stërvit 23 lojtarë prej të cilëve jam i lumtur. Për mua është vetëm Milani, jo individët.xhampaolo

Si e shikoni ekipin?
Unë shoh një ekip shumë të mirë, nuk shoh nervozizëm. Gjithmonë iu them lojtarëve të argëtohen në mënyrë të përgjegjshme.

Çështja Paketa?
Asnjë çështje, ishte thjesht një bisedë, ju gazetarët dëshironi të ekzagjeroni.

Çfarë Interi pret?
Është një ekip që luan gjithmonë në të njëjtën mënyrë nuk pres surpriza. Ata gjithmonë përpiqen të bëjnë lojën e tyre.

(Balkanweb)