TIRANE- Ata janë sot padyshim çifti në qendër të vëmendjes së të gjithëve. Bëhet fjalë për këngëtaren Xhensila Myrtezaj dhe aktorin e humorit Bes Kallaku, të cilët kurorëzuan mbrëmjen e sotme dashurinë e tyre.
Në profilin e saj në Instagram, Andrra Destani, një prej të ftuarave të dasmës, ka postuar një video nga momenti kur nusja dhe dhëndri kanë mbërritur në Pallatin Brigadave.
Ndonëse në mëngjes menduam të gjithë se Xhensila kishte zbuluar fustanin e saj të nusërisë që do të vishte sot, ajo është shfaqur me një tjetër më magjepsës. Me një model princeshe dhe me një bisht të gjatë me të cilin e ndihmojnë shoqërueset, Xhensila dhe Besi kanë hyrë në Pallat për të kurorëzuar dashurinë në një ditë të shënuar. Cifti i ka thënë Po njëri-tjetrit në mesin e 400 të ftuarve.
Këngëtarja është shoqëruar në altar nga vëllai më i vogël. Betimet kanë qenë një nga momentet më emocionuese të ceremonisë, ku çifti është betuar për dashuri të përjetshme. Festa për ta sapo ka filluar…
(ed.me/BalkanWeb)
