Shkrimtari Ylljet Aliçka, diplomat i Shqipërisë në disa vende, nga studio e emisionit “Open” në News24, duke folur për figurën e Ismail Kadaresë tha se ai është emblema e këtij populli dhe kombi.

Aliçka tha se kombi shqiptar ka dy figura që njihet Nënë Tereza dhe Ismail Kadare.

“Kadare i kapërceu caqet dhe u bë emancipuesi i kësaj shoqërie”, tha Aliçka.

Duke e cilësuar si një ditë të trishtë ndarjen nga jeta të kolosit të letrave shqipe, Aliçka u shpreh se kishte përshtypjen se Kadare e kishte përgatitur veten për këtë ditë.