Presidenti ukrainas Volodymyr Zelenskiy deklaroi të enjten se presidenti i zgjedhur i SHBA-së, Donald Trump mund të jetë vendimtar në rezultatin e luftës 34-mujore me Rusinë dhe të ndihmojë në ndalimin e liderit të Kremlinit, Vladimir Putin.
Zelenskyy, duke u përballur me përparimet e forcave ruse në Ukrainën lindore, në një intervistë me televizionin ukrainas siguroi se Trump e kishte ftuar të vizitonte Uashingtonin pas inaugurimit presidencial këtë muaj.
“Trump mund të jetë vendimtar. Për ne kjo është gjëja më e rëndësishme. Cilësitë e tij janë vërtet aty. Ai mund të jetë vendimtar në këtë luftë. Ai është në gjendje të ndalojë Putinin ose, për ta thënë më drejtë, të na ndihmojë të ndalojmë Putinin. Ai është në gjendje ta bëjë këtë”, tha Zelensky.
Zelensky shtoi gjithashtu se Putin ka frikë nga negociatat pasi ato do të ishin të barazvlefshme me një disfatë për Rusinë. Arritja e një paqeje të drejtë për Ukrainën nënkupton marrjen e garancive solide të sigurisë nga aleatët e saj, anëtarësimin në Bashkimin Evropian dhe marrjen e një ftese për t’u bashkuar me aleancën e NATO-s, një nocion i refuzuar nga Moska.
“Sigurisht, do të doja që plani i propozuar i Presidentit Trump të përputhej me pikëpamjen tonë. Nuk mund të jetë ndryshe. Ne jemi Ukraina dhe është pavarësia jonë, toka jonë dhe e ardhmja jonë. Natyrisht, çdo garanci sigurie pa Shtetet e Bashkuara është garanci e dobët sigurie për Ukrainën”, theksoi presidenti ukrainas.
Administrata e re e Donald Trump pritet të vendosë kontakte mes Ukrainës dhe Rusisë./The Kyiv Independent
(BalkanWeb)
