TIRANË

Palët politike në vend janë shumë larg gjetjes së dialogut, ndërsa kreu i shtetit tashmë ka zhdekretuar datën për zgjedhjet lokale të 30 qershorit.


Por edhe pse debati është prezent dhe palët akuzojnë njëra tjetrën, Komisioni Qendror i Zgjedhjeve vijon punën dhe ka zbardhur edhe pikat e mbledhjes së sotme, ku vihet re mes tjerash edhe miratimi listës emërore të shtetasve të cilët mund të emërohen kryesisht si anëtarë KQV-ve, për zgjedhjet lokale.


Presidenti i Republikës, Ilir Meta të hënën në mëngjes përmes një konference të jashtëzakonshme firmosi “Live” para mediave zhdekretimin e zgjedhjeve të 30 qershorit, ndërsa apeloi për maxhorancën dhe opozitën që të gjejnë gjuhën e përbashkët për tejkalimin e krizës politike.


Rendi i ditës në KQZ:

Bazuar në nenin 22, pika 2, e Kodit Zgjedhor, nenin 12 të Rregullores “Për organizimin dhe funksionimin e Komisionit Qendror të Zgjedhjeve”, Kërkoj marrjen e masave për njoftimin e mbledhjes të KQZ-së, thirrur më datë 12.06.2019, Ora 13:00, me rend dite :

“Për miratimin e listës emërore të shtetasve të cilët mund të emërohen kryesisht anëtarë KQV-ve, për zgjedhjet për organet e qeverisjes vendore të dates 30 qershor 2019”.

“Për dhënien e autorizimit për ndryshimin e vendndodhjeve të disa QV-ve, për zgjedhjet për organet e qeverisjes vendore të dates 30 qershor 2019”.

‘Për miratimin e vëzhguesve afatgjatë të Institutit Demokratik Amerikan ( NDI), për zgjedhjet për organet e qeverisjes vendore të dates 30 qershor 2019”.

“Për një shtesë në Vendimin nr.669, të datës 28.05.2019 ‘Për miratimin e vëzhguesve afatgjatë të KSHH’, për zgjedhjet për organet e qeverisjes vendore të dates 30 qershor 2019”.

“Për miratimin e vëzhguesve afatgjatë të Shoqatës për Gratë dhe Fëmijët, për zgjedhjet për organet e qeverisjes vendore të dates 30 qershor 2019”.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: