“Do na pëlqente të shihnim një dialog që sjell si rezultat një marrëveshje mbi Reformën Zgjedhore që zbaton rekomandimet e OSBE/OHDIR-it dhe një drejtim që çon sërisht drejt normalitetit për demokracinë shqiptare” – kështu u shpreh sot i dërguari i posaçëm i Departamentit amerikan të Shtetit për Ballkanin Perëndimor, Matheë Palmer.

Në fjalën e tij në Forumin Botëror Ekonomik, Palmer tha se është e rëndësishme që themelet demokratike të Shqipërisë të jenë të fortë.

“Do të na pëlqente të shihnim përparim, është e rëndësishme që themelet demokratike të Shqipërisë të jenë të fortë, që zgjedhjet të jenë të lira dhe që populli shqiptar ka lirinë të zgjedhë në mënyrë demokratike. Prandaj do na pëlqente të shihnim një dialog që sjell si rezultat një marrëveshje mbi Reformën Zgjedhore që zbaton rekomandimet e OSBE/OHDIR-it dhe një drejtim që con sërisht drejt normalitetit për demokracinë shqiptare.” – u shpreh Palmer.

(BalkanWeb)