Zvicra përballet me Gjermaninë në ndeshjen e fundit të fazës së grupeve të Kampionatit Evropian. Takimi do të luhet në orën 21:00 në Frankfurt Arena të Frankfurtit, ndërsa skuadra gjermane tashmë ka arritur një vend në raundin e 16-të dhe skuadra zvicerane kërkon t’i bashkohet atyre.

Zvicra u ndal në një barazim 1-1 në ndeshjen e fundit kundër Skocisë më 19 qershor. Gjermania fitoi ndeshjen e fundit po më 19 qershor, duke mposhtur Hungarinë 2-0 në Stuttgart Arena, me gola të  Jamal Musiala dhe Ilkay Gündogan .

Gjermania është në krye të grupit me gjashtë pikë. Katër pikët e Zvicrës i vendosin në vendin e dytë, aktualisht në pozicionin për t’u bashkuar me Gjermaninë në raundin e 16-të.

Skocia është e treta me një pikë dhe ende në garë për një vend në raundin e 16-të. Hungaria është në rrezik eliminimi, duke u renditur e katërta me zero pikë.

Në prag të sfidës,ish futbollisti i Bayernit, Mario Basler, ka folur për kapitenin Granit Xhaka dhe Xherdan Shaqiri.

Basler duke folur për median zvicerane Blick shprehet se sot e gjithë kombëtarja zvicerane luan në Gjermani, Itali apo Angli.

“Duhet të jemi veçanërisht të kujdesshëm me Granit Xhakën. Në sezonin e fundit të Bundesligës asnjë skuadër nuk arriti ta nxjerrë jashtë loje”, tha Basler.

“Kur erdhi në Leverkusen, ai foli edhe për tituj megjithëse askush nuk mendonte se Leverkusen mund ta fitonte kampionatin.

Ky mentalitet dhe vetëbesim nevojiten nëse dëshironi të jeni të suksesshëm.

Unë e preferoj shumë një lojtar të tillë sesa dikë që shkon në Kampionatin Evropian dhe është i lumtur me arritjen në çerekfinale”, përgjigjet Basler.

Në vijim ai vlerëson Leroy Sane, për të cilin thotë se ashtu si Shaqiri, edhe ai ka cilësi të pabesueshme, por jo gjithmonë i sjell ato në fushë.