Është tensionuar sërish situata në bashkitë veriore të Shkodrës dhe Vaut të Dejës. Mbështetësit e opozitës kanë nisur protestat përballë KZAZ-ve, duke kërkuar lirimin e tyre nga materialet zgjedhore.
Gazetari Senad Nikshiqi raporton për “BalkanWeb” se protestuesit i kanë vënë zjarrin KZAZ-së që ndodhet te shkolla profesionale “Ndre Mjeda”, në Bushat të Vaut të Dejës.
Nga tensionet dhe nga molotovi i përdorur nga protestuesit kanë mbetur të plagosur tre efektivë të policisë, dy prej të cilëve ndodhen në gjendje të rëndë shëndetësore në spital.
(BalkanWeb)