GJERMANI– 12 persona kanë mbetur të plagosur, mes tyre edhe shtatë adoleshentë si pasojë e shpërthimit të zjarrit në dy qendra strehimi emigrantësh në Bavari të Gjermanisë.
Policia ka arrestuar një person, pasi dyshon se zjarret ishin të qëllimshme. Bavaria është ndalesa e parë e të gjithë klandestinëve që mbërrijnë në Gjermani.
Gjatë këtij viti në Gjermani ka pasur 200 sulme në qendrat e klandestinëve dhe sipas mediave gjermane, autoritetet gjermane kanë ndëshkuar vetëm një pjesë të vogël të autorëve.
Megjithatë në shoqërinë gjermane ka një zemërim në rritje për fluksin e madh të klandestinëve, gjë e cila bëri që kancelarja Merkel të premojë zvogëlimin e numrit të refugjatëve javën e kaluar.
(d.d/BalkanWeb)