Një zjarr i madh ka shpërthyer në ndërtesën e ministrisë së Financave në Kopenhagë, ka njoftuar policia daneze.

Zjarri shpërtheu në kulmin e objektit, kurse ekipe të shumta të zjarrfikësve dhe policisë ia mësynë vendit të ngjarjes, nga ku dilte tym i zi.

Policia njoftoi se ka evakuuar ndërtesat tjera përreth asaj të ministrisë së Financave për arsye të sigurisë.

Ky objekt gjendet rreth 10 minuta ecje larg objektit të vjetër të ministrisë së Financave në Kopenhagë.

Deri më tani nuk dihen shkaqet, që çuan deri te shpërthimi i këtij zjarri që kaploi kulmin e ndërtesës.