Një zjarr ka përfshirë një banesë në lagjen “Dëshmorët e Kombit” në Berat.

Zjarri ka rënë rreth orës 16:00. Paraprakisht dyshohet se shkak i zjarrit ka qenë një shkëndijë elektrike.

Ndërhyrja e menjëhershme e zjarrëfikësve ka neutralizuar shpejt flakët, ndërsa është djegur njëra nga dhomat e katit të parë të banesës private në pronësi të shtetasit A.Merko.

Gazetarja Eneida Petova raporton për Balkanweb se në momentin që kanë shpërthyer flakët në banesë nuk ka pasur njerëz.