Flakët vazhdojnë të përpijnë qytetin e Los Angeles. Që nga 7 janari, qyteti amerikan ka përjetuar një prej katastrofave më të madhe në vend. Mijëra njerëz janë evakuuar nga banesat me dyshimin se kur të kthehen nuk do t’i gjejnë më shtëpitë e tyre. Megjithatë, gjëja më e rëndë është se tashmë janë regjistruar 24 të vdekur.

Parashikimet për ditët në vijim nuk premtojnë një situatë të favorshme. Era do të fillojë të fryjë më e fortë nga dita e sotme dhe ekspertët besojnë se ky mund të jetë një nga shkaqet që do të sjellë përhapjen më të madhe të zjarrit. Kështu, shumë janë tashmë duke u përgatitur për orët kritike në qytetin e Hollivudit.

Shumica po bëjnë pjesën e tyre për të përmirësuar situatën. Angelina Jolie dhe djali i saj 16-vjeçar Knox janë fotografuar në një supermarket në Los Feliz duke bërë pazare masive për t’i dhuruar për të prekurit nga zjarret.

Sipas Daily Mail, aktorja ka zbuluar se po merr njerëz në shtëpinë e saj dhe po e ofron atë si një strehë për ata që kanë mbetur pa shtëpi këto ditë. Kjo nuk është e vetmja ndihmë që ajo synon të japë. Jolie gjithashtu ka premtuar se do të ndihmojë financiarisht me gjithçka që është e nevojshme që këto familje të rikuperojnë normalitetin, nëse kjo është e mundur, sa më shpejt të jetë e mundur.

“Tani po kujdesem për njerëzit e afërt dhe po i strehoj në shtëpinë time”, tha ajo kur u pyet për këtë mundësi.

Megjithatë, ajo siguron se tani për tani është e fokusuar në ndihmën e menjëhershme dhe do të ketë kohë më vonë për veprime të tjera.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: