Një këshilltare bashkiake në qytetin e Zyrihut ka shkaktuar bujë në Zvicër pas vendimit të saj për të publikuar foto të momentit kur ajo shkrep një imazh të Virgjëreshës Mari me Fëmijën Hyjnor. 32-vjeçarja Sanije Ameti, e lindur në një familje myslimane dhe anëtare e Partisë Gjelbër-Liberale, qëlloi ikonën me një pistoletë sportive, duke shkaktuar reagime për shenjat e plumbave në fytyrat e Virgjëreshës Mari dhe Jezusit.
Pavarësisht përpjekjeve të saj të shpejta për të tërhequr postin dhe për të kërkuar falje, reagimi vazhdoi, me partinë e saj që nisi procedurat e shkarkimit dhe Farner Group, kompania për të cilën ajo punonte, duke i dhënë fund partneritetit të tyre me të.
“Në këndvështrimin e udhëheqjes së partisë, përfshirja e vazhdueshme e Sanija Ametit në Liberalët e Gjelbër do të dëmtonte reputacionin e Liberalëve të Gjelbër. Për të parandaluar dëmtimin e mëtejshëm, partia kërkon që të fillojë menjëherë procesi e fshirjes”, njofton Partia e Gjelbër.
Ameti kërkoi falje në rrjetet sociale, duke thënë se nuk e kishte kuptuar domethënien fetare të imazhit dhe se ishte vetëm një objektiv gjatë praktikës së saj me pistoletë.
Ich bitte um Vergebung bei den Menschen, die durch meinen Post verletzt wurden. Ich habe diesen sofort gelöscht, als mir der religiöse Inhalt bewusst wurde. Ich habe nichts dabei überlegt. Es tut mir unglaublich Leid.
— Sanija Ameti (@cybersandwich) September 7, 2024
“U kërkoj falje njerëzve që u lënduan nga postimi im. E fshiva sapo kuptova përmbajtjen fetare. Nuk e mendova fare. Më vjen shumë keq”, ka shkruar ajo në postimin e saj.
Mirëpo, ky akt shkaktoi reagime të forta, sidomos nga qarqet katolike, të cilët e akuzuan për fyerje të besimeve fetare.
Imazhi ishte një poster për një ankand të pikturës së përmendur të Virgjëreshës dhe Fëmijës që daton nga shekulli i 14-të.
Këshilltarja Sania Ameti, ka kërkuar falje dhe mbrojtje nga policia, pasi u postuan imazhe në rrjetet sociale të saj duke rrëzuar një poster të ankandit të shekullit të 14-të të Virgjëreshës dhe Fëmijës.
Virgjëresha dhe fëmija nën vështrimin e kryeengjëllit Michael nga Tommaso de Mazza, i përkiste vitit 1375.
Kisha Katolike e Zvicrës e dënoi sjelljen e saj, duke e përshkruar fyerjen fetare si “të rëndë”, ndërsa Ameti zbuloi se ajo dhe familja e saj ishin vënë nën mbrojtjen e policisë për shkak të kërcënimeve që kishin marrë.
Mes kritikave, ajo dha dorëheqjen nga udhëheqja e të Gjelbërve Liberalë në Cyrih.
Sanija Ameti ka lindur në vitin 1992 në Bosnje në një familje myslimane. Babai i saj ishte profesor i biologjisë dhe politikan në ish-Jugosllavi. Ajo shkoi në Zvicër me prindërit e saj si refugjate në vitin 1995. Ameti më pas u vendos në qendrën e azilit në Adliswil. Pas diplomimit në Shkollën Kantonale të Zyrihut Oerlikon në vitin 2011, Ameti studioi drejtësi në Universitetin e qytetit deri në vitin 2018.
