ZVICËR

Një fëmijë shqiptar ka humbur një ditë më parë në Zvicër. Mediat vendase kanë identifikuar shqiptarin e humbur, ndërsa kjo ka shkaktuar alarm tek autoritetet policore të cilat menjëherë kanë nisur kërkimet.


Siç raporton “Blick”, fëmija shqiptar me emrin Zenel ishte së bashku me nënën e tij, Burbuqe M., pranë një sheshi lojërash në  Lenzburgerstrasse. Ai u zhduk dje pasdite pa lënë asnjë gjurmë.


“Zeneli ishte në shesh lojërash me fëmijët e tjerë, duke luajtur me ta dhe duke ngarë biçikletën e tij përgjatë bllokut. Pas rreth pesë xhirosh ai papritmas nuk u shfaq më. Gruaja ime menjëherë shkoi në kërkim të tij dhe gjeti vetëm biçikletën e tij. Por nuk kishte gjurmë të Zenelit! Ajo kërkoi kudo, por nuk mundi ta gjente”- tha babai.


Autoritet vijuan ditën e djeshme kërkimet deri vonë edhe me helikopter, por fatkeqësisht nuk arritën të gjenin asnjë gjurmë të 4-vjeçarit shqiptar.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb