Në një botë ku ndryshimet ekonomike dhe teknologjike janë të përhershme, përgatitja e studentëve për tregun e punës është një nga sfidat kryesore të çdo universiteti. Në këtë kontekst, Zyra e Karrierës luan një rol vendimtar duke ndihmuar studentët të kalojnë me sukses nga auditorët e universitetit në tregun e punës. Zyra e Karrierës, e cila është një ndihmë thelbësore në Universitetin Luarasi, është një urë që lidh studentët me botën profesionale.
Zyra e Karrierës nuk është thjesht një vend ku studentët mund të marrin këshilla për shkrimin e CV-ve apo përgatitjen për intervista pune. Ajo është një entitet strategjik që ofron një gamë të gjerë shërbimesh dhe aktivitete për të ndihmuar studentët të zhvillojnë aftësitë dhe njohuritë e nevojshme për të pasur sukses në tregun e punës. Stafi i zyrës e Karrierës organizon workshope, seminare, dhe trajnime që përqendrohen në zhvillimin e aftësive të buta, si komunikimi efektiv, puna në grup dhe lidershipi, si dhe aftësive të forta, të tilla si përdorimi i teknologjive të reja dhe analizimi i të dhënave ekonomike. Një nga aspektet më të rëndësishme të punës së Zyrës së Karrierës është krijimi i partneriteteve me kompani dhe organizata të ndryshme. Këto partneritete janë thelbësore për të ofruar mundësi praktikash dhe punësimi për studentët. Duke bashkëpunuar me industrinë, Stafi i zyrës e Karrierës siguron që programet akademike të përputhen me kërkesat dhe pritshmëritë e tregut të punës, duke i pajisur studentët me aftësi praktike dhe përvojë të drejtpërdrejtë në fusha të ndryshme. Një aspekt tjetër i rëndësishëm i punës së Zyrës së Karrierës është mentorimi dhe këshillimi individual. Çdo student ka nevoja dhe aspirata unike, dhe stafi i zyrës e Karrierës ofron mbështetje të personalizuar për t’i ndihmuar ata të identifikojnë dhe ndjekin rrugën e duhur profesionale. Përmes sesioneve të këshillimit, studentët mund të diskutojnë objektivat e tyre karrieristike, të vlerësojnë interesat dhe aftësitë e tyre, dhe të marrin udhëzime konkrete për të arritur suksesin e dëshiruar.
Stafi i zyrës e Karrierës nuk ndalet vetëm tek studentët aktualë, por ofron mbështetje edhe për ALUMNI-t e universitetit. Nëpërmjet rrjeteve të ALUMNI -ve, organizimit të ngjarjeve dhe aktiviteteve të ndryshme, Zyra e Karrierës krijon një komunitet të fortë dhe të ndërlidhur që ndihmon në zhvillimin profesional të ish-studentëve dhe ofron mundësi për networking dhe ndarje të përvojave dhe njohurive. Suksesi i një universiteti matet jo vetëm me arritjet akademike të studentëve, por edhe me aftësinë e tij për t’i përgatitur ata për jetën profesionale. Zyra e Karrierës është një element kyç në këtë proces, duke ndihmuar studentët të kalojnë me sukses nga bankat e shkollës në tregun e punës. Përmes ofrimit të shërbimeve të ndryshme, bashkëpunimit me industrinë dhe mbështetjes së vazhdueshme për studentët dhe ALUMNI -t, Zyra e Karrierës siguron që çdo student të ketë një udhë të suksesshme drejt karrierës së tij të ëndërruar.
Në përfundim, Zyra e Karrierës në Universitetin Luarasi është një urë e fuqishme që lidh botën akademike me tregun e punës, duke krijuar mundësi dhe perspektiva të reja për studentët dhe duke kontribuar në zhvillimin e tyre profesional dhe personal.
Resina Pllaha
Pedagoge, Fakulteti Ekonomik
Pergjegjese e Zyres se Karrieres
