Jo vetëm largime, te Kukësi kanë lëvizur për të bërë përforcimet e para, ndërsa verilindorët kanë zyrtarizuar dhe prurjet më të freskëta për trajnerin Ernest Gjoka. Bëhet fjalë për mesfushorin Emiljano Musta, që së fundmi është aktivizuar në radhët e Flamurtarit, dhe për portierin Ilir Avdyli, pjesë e Kamzës në sezonin e shkuar.
Njoftim i Kukësit!
F.K. Kukësi njofton arritjen e marrëveshjeve me futbollistët Ilir Avdyli dhe Emiljano Musta.
Dy futbollistët kanë firmosur me klubin tonë kontratë 1 vjeçare.
Portieri Avdyli vjen nga skuadra e Kamzës ndërsa mesfushori Musta nga ajo e Flamurtarit.
Dy lojtarët janë afrimet e para të skuadrës sonë, ndërkohë që prezantimi i tyre do të bëhet shumë shpejt në ambientet e Klubit tonë.
(Balkanweb)