Mesfushori i Kombëtares, Valon Ahmedi, i ka dhënë fund aventurës në kampionatin slloven me skuadrën e Mariborit, teksa mësohet se ka firmosur për skuadrën Hapoel Kirjat Shmona në Izrael. Për 23-vjeçarin u interesua dhe Partizani, por mesa duket nuk e ka bindur oferta e të kuqve.
Kohët e fundit Ahmedi humbi vendin e titullarit te skuadra e Mariborit, ndaj u detyruar të largohej për të nisur një eksperiencë të re në kampionatin izraelit.
Mesfushori arriti të aktivizohej me sllovenët në Champions League. Lajmin për “divorcin” me Mariborin, Ahmedi e bëri publik edhe në faqen zyrtare në “Instagram”.
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
